Aaslandbros

Aaslandbros vart starta av Jørgen og Christoffer Aasland som ein duo i anledning Woodstokka2004. Bandet vart fort utvida med storebror Erlend og etterkvart Kenneth Andersen.

I mange år eksisterte Aaslandbros tilnærma kun som “Woodstokka-band”, men 11. juni 2008 hadde dei sin første Cash-konsert på Thime Station. Dette var visstnok resultatet av årevis med masing frå Stationsmester Torfinn Edland. Cash-repertoaret slo an og Aaslandbros har etter dette blitt kjent som eit tributeband til Johnny Cash.

Dei har også spelt inn ein EP, "I Am What I Am", i lag med Olav Larsen.

I september 2013 var dei i Egersound studio saman med våre gode venar teknikar Eirik Bekkeheien og igjen, artist/låtskrivar Olav Larsen. Der spelte Aaslandbros inn tre av Olav sine songar i tillegg til ein gammal tradisjonell folklåt frå Amerika. Resultatet er EP-en «Drunkards, Misfits & Losers» som kom ut 9. desember 2013. Del to kom i 2019.